Atyraýdyń 8 yqshamaýdanynda turǵyndar jaryqsyz otyr

ATYRAÝ. QazAqparat - Atyraý qalasynyń keı aýdandarynda turǵyndar jaryqsyz qaldy, dep habarlaıdy QazAqparat tilshisi.

Qalalyq ákimdiktiń baspasóz qyzmeti taratqan aqparatqa sensek, shahardaǵy 8 móltekaýdanda elektr qýatynan ajyratylǵan.

Oǵan sebep - elektr taratý júıesindegi joǵary voltty jelide bolǵan apat.

Jaryqtyń sónýi qalany sýmen qamtamasyz etip otyrǵan nasos stansasyna da áser etti.

Osynyń saldarynan búkil yqshamaýdanda sýdyń qysymy óte tómen.

«Qazirgi tańda «Atyraý Jaryq» kompanııasynyń mamandary jóndeý jumysyn júrgizip jatyr. Olardyń sózine qaraǵanda, elektr energııasy jaqyn arada qaıta berile bastaıdy» dep málim etti baspasóz qyzmeti.

Eske sala keteıik, Atyraýda 10 qańtar kúni elektr jelisinde bolǵan apattyń sebebin anyqtaıtyn arnaıy komıssııa jumysyn bastap ketti.

Sol kezde Atyraý jáne Mańǵystaý oblystarynda kóp aýdandar jaryqsyz qalǵan bolatyn.