Atyraýdyń 3 aýdanyndaǵy ınfektsııalyq statsıonar naýqastarǵa toldy
ATYRAÝ. QazAqparat – Atyraý oblysynyń úsh aýdanynda ınfektsııalyq statsıonar naýqastarǵa toldy, dep habarlaıdy QazAqparat.
Oblystyq lesnaýlyq saqtaý basqarmasy baspasóz qyzmetiniń málimetine súıensek, Inder, Isataı jáne Mahambet aýdanynda koronavırýs ınfektsııasyn juqtyrǵan naýqastardyń sany ósken. Sonyń saldarynan atalǵan aýdandardyń ınfektsııalyq statsıonarlaryndaǵy júkteme 100 paıyzdan asqan.
«Qazir Inder aýdanyndaǵy ınfektsııalyq statsıonarda koronavırýs juqtyrǵan 26 (100%), Isataıda – 11 (110%), Mahambet aýdanynda 29 (145%) naýqas jatyr. Al, ózge aýdandardyń ınfektsııalyq statsıonarlarynda tósek-oryn jetkilikti. Máselen, Jylyoı aýdanynda 37, Qurmanǵazyda – 52, Maqatta – 20, Qyzylqoǵa aýdanynda 9 patsıent emdelý úshin oqshaýlanǵan» -dep habarlady basqarmanyń baspasóz qyzmeti.
Eske sala ketelik, budan buryn Atyraýda eki kúnde 654 naýqas koronavırýs juqtyrǵanyn habarlaǵan bolatynbyz.
