Atyraýdyń «103» qyzmeti qoılardyń jedel járdem kóligimen tasymaldanýyna qatysty túsinik berdi
ASTANA. QazAqparat - «103» qyzmeti qoılardyń reanımobılde tasymaldanýyna baılanysty atyraýlyqtardyń shaǵymyna túsinikteme berdi.
Qalalyq jedel járdem stantsııasy «Tuma» bazarynan janýarlardy tıegen «jedel járdem» kóligi olarǵa tıesili emestigin málimdedi, dep habarlaıdy «Moı GOROD» portaly.
«Bizdiń kólikterimizdiń barlyǵy keshe shaqyrýlarda boldy. Olardyń bir de biri «Tuma» bazaryna barǵan emes. Onyń ústine reanımobılde bizdiń jedel járdem mashınalarynda bolatyn «103» belgisi joq. Bul «jedel járdem» kóligi Atyraýdaǵy kóp jeke klınıkalardyń birine tıesili bolýy múmkin», - dedi jedel járdem stantsııasynyń bas dárigeri Gúlnafıs Tanbaeva.
31 tamyz kúni Qurban aıt qarsańynda «Tuma» mal bazarynda birden birneshe qoı tıegen jedel járdem kóligi baıqalǵan. Bul aqparat jergilikti turǵyndardyń narazylyǵyn týdyrdy: olardyń biri «jedel járdemniń» naýqastarǵa kómek kórsetýdiń ornyna árli-berli júrgenine narazylyq tanytsa, endi biri janýarlardy kólikte tasymaldaǵannan keıin jaǵymsyz ıis qalatyndyǵyn eske saldy. Zararsyzdandyrylǵan kólikte mal tasymaldaýdyń ózi barlyq sanıtarlyq erejeler men talaptardy buzatyndyǵy anyq.
