Atyraýdan joǵalǵan jylqylar kórshiles oblystan tabylyp jatyr
ATYRAÝ. QazAqparat – Atyraý oblysynan joǵalǵan jylqylar kórshiles oblystan tabylyp jatyr, dep habarlaıdy QazAqparat.
Jaqynda áleýmettik jelide Batys Qazaqstan oblysynda qamaýda turǵan jylqylar týraly vıdeo jarııalandy. Quqyq qorǵaý organdary bul urlanǵan jylqylar bolýy múmkin ekenin joqqa shyǵarmaıdy.
«Bul vıdeony Batys Qazaqstan oblysyndaǵy áriptesterimiz bizge joldady. Muny barlyq aýdandyq polıtsııa bólimderi jylqysyn joǵaltyp, aryzdanǵandarǵa taratýda. Aryzdanýshylardyń arasynda vıdeodan jylqysyn tanyǵandary bar. Alaıda, karantınniń engizilýine baılanysty oblys aýmaǵynan shyǵýǵa bolmaıdy. Demek, malyn tanyǵandar jol júre almaıdy. Sol sebepten, ázirge kútýge týra keledi. Keıin bul máselege qatysty qosymsha aqparat beremiz», - dedi Atyraý oblystyq polıtsııa departamentiniń baspasóz hatshysy Gúlnazıra Muhtarova.
