Atyraýdan Shymkentke áýe reısi ashylýy múmkin

ATYRAÝ. QazAqparat – Atyraý halyqaralyq áýejaıynan Shymkent qalasyna qatynaıtyn áýe reısi ashylýy múmkin, dep habarlaıdy QazAqparat.

Óńirlik kommýnıkatsııalar qyzmetiniń málimetine súıensek, alǵashqy kezekte «Atyraý-Shymkent» jáne «Shymkent-Atyraý» áýe reısin ashý josparlanyp otyr.

«Eki qala arasyndaǵy áýe tasymalyn qazaqstandyq FlyArystan áýe kompanııasy júzege asyrady dep kútilýde. Óıtkeni, Atyraý oblysy ákimdiginiń bastamasymen «Atyraý» áleýmettik-kásipkerlik korporatsııasy» AQ men FlyArystan avıakompanııasy arasynda kelissóz bastaldy. Maqsat – jolaýshylardy qoljetimdi avıabıletpen qamtamasyz etý»,- dep habarlady óńirlik kommýnıkatsııalar qyzmeti.

Taraptar kelisimdi talqylap, ortaq mámilege kelse, Atyraý qalasynan turaqty jolaýshylar reısin bastaý týraly kelisimshartqa qol qoıý josparlanýda.