Atyraýdan Reseıge baratyn joldy jóndep jatqan kompanııaǵa aıyppul salyndy
Atyraý oblysy boıynsha Ekologııa departamentiniń qyzmetkerleri «Aq jol qurylys» JShS-ǵa ekologııalyq zańnamany saqtaýǵa baılanysty jospardan tys tekserý júrgizdi. Bul kompanııa «Aqtóbe – Atyraý - Reseı Federatsııasynyń shekarasy» baǵytyndaǵy A-27 respýblıkalyq mańyzy bar joldyń 693-753 shaqyrymyn rekonstrýktsııadan ótkizip jatyr.
«Jospardan tys tekserý kezinde zań talabynyń buzylǵany anyqtaldy. Respýblıkalyq jolǵa rekonstrýktsııa jumystaryn júrgizý ýchaskesinde – Atyraý oblysy, Isataı aýdanyndaǵy Janbaı aýylynyń mańynda ornalasqan óndiristik bazasynda beton, temir, aǵash, qurylys materıaldary, qara tústi suıyq maılardy jınaıtyn temir bóshkeler ashyq kúıde saqtalǵan. Basqa da qaldyqtardy jınaý úshin arnaıy jabdyqtalǵan oryndar joq. Qaldyqtar baza aýmaǵynda ár jerde shashylyp jatyr. Óndiristik bazadaǵy qoqys jáshikterinde aralasyp jatqan qaǵaz, plastıkalyq bótelkeler, karton, tselofan, turmystyq qaldyqtar, qurylys materıaldary, maıly shúbirekter sekildi qaldyqtar suryptalmaǵan», - dep habarlady departamenttiń baspasóz qyzmetinen.
Departament qyzmetkerleri zań talabynyń buzylýyna baılanysty «Aq jol qurylys» JShS-ǵa ákimshilik quqyq buzýshylyq týraly hattamalar toltyrǵan. Kompanııa ákimshilik aıyppuldy 50% jeńildikpen tóleýdi suraǵan. Sol sebepten, kompanııaǵa 1 mln 035 myń teńge kóleminde ákimshilik aıyppul salyndy.
Eske sala ketelik, budan buryn Atyraýda las sýdan kól jasaǵan kásiporynǵa 10 mln teńge aıyppul salynǵanyn habarlaǵan bolatynbyz.