Atyraýdan Reseıge áýe reısi qaıta jandanady

NUR-SULTAN. QazAqparat – 26 sáýirden bastap Atyraý men Astrahan arasyndaǵy áýe reısteri qaıta ashylady. Bul týraly QazAqparat Indýstrııa jáne ınfraqurylymdyq damý mınıstrligine silteme jasap habarlaıdy.

26 sáýirden bastap qazaqstandyq «Qazaq Air» áýe kompanııasy Atyraý men Astrahan qalalary arasynda aptasyna 2 reıs jıilikpen halyqaralyq reısterdi oryndamaq.

Reıster seısenbi jáne senbi kúnderi Bombardier Q400 tıpti áýe kemesinde oryndalady dep josparlanýda.

Barlyq reıs sanıtarlyq-epıdemıologııalyq talaptardy qatań saqtaı otyryp jáne áýekompanııa saıtynda jarııalanǵan kestege sáıkes júzege asyrylatyn bolady.