Atyraýdan Nur-Sultanǵa qatynaıtyn poıyzdar ýaqytsha júrmeıdi

ATYRAÝ. QazAqparat - Atyraý qalasynan jolaýshylar poıyzynyń jol júrýi ýaqytsha toqtatylady, dep habarlaıdy QazAqparat «Jolaýshylar tasymaly» AQ baspasóz qyzmetine silteme jasap.

Memlekettik komıssııanyń 2 shildedegi sheshimine, bas memlekettik sanıtar dárigerdiń 3 shildedegi №44 qaýlysyna sáıkes jáne QR Indýstrııa jáne ınfraqurylymdyq damý mınıstrliginiń haty negizinde jańa sheshim qabyldandy.

«Atyraý - Nur-Sultan Nurly jol» baǵytyndaǵy №47/48 jolaýshylar poıyzy 13 shildeden bastap - Atyraýdan, 15 shildeden bastap - Nurly joldan jol júrýin ýaqytsha toqtatady. Atalǵan poıyzǵa buryn bılet alǵan jolaýshylar qujatyn qaıtaryp, aqshalaı qarajatty tolyq kólemde ala alady. Bılet aqshasyn qaıtarý qolma-qol jáne qolma-qol aqshasyz esep aıyrysý arqyly júrgiziledi» delingen habarlamada.

Jolaýshy poıyzdarynyń qozǵalys kestesi boıynsha barlyq aqparatty «105» nómirine habarlasyp bilýge bolady.

Ulttyq tasymaldaýshy jolaýshylardan qabyldanǵan sharalarǵa túsinistikpen qarap, koronavırýs pandemııasynyń taralý kezeńinde sanıtarlyq-epıdemıologııalyq talaptardy saqtaýdy suraıdy.