Atyraýdan Maqtaaralǵa 150 tonna azyq-túlik pen 15 mln teńge jiberildi
ATYRAÝ: QazAqparat – Atyraýdan Maqtaaraldaǵy sý tasqynynan zardap shekkenderge gýmanıtarlyq kómek jiberildi, dep habarlaıdy QazAqparat.
Óńirlik kommýnıkatsııalar qyzmetiniń habarlaýynsha, Atyraýdan 150 tonna azyq-túlik, kıim-keshek tıelgen gýmanıtarlyq kómekti jetkizý úshin 6 júk kóligi, 20 «Gazel» men 2 jeńil kólikten quralǵan kerýen jolǵa shyqty.
«Eki táýlik shamasynda atyraýlyq aǵaıynnyń amanatyn Maqtaaralǵa jetkizemiz. Sonymen qatar, Atyraý qalasy halqynan bólek, munaıly óńirge qarasty 7 aýdannyń jastary jınaǵan 15 mıllıon teńge Maqtaral aýdanynyń halqyna beriledi. Talaı qıyndyqty halqymyz birliktiń arqasynda jeńgen. Bul synaqty da birge ótkeremiz. Biz birgemiz», - deıdi uıymdastyrýshylar.
Keshe Atyraý oblysy ákimdiginiń qoldaýymen Maqtaaralǵa kómek kórsetý maqsatynda arnaıy qorǵa qarjy jınaý bastaldy. Gýmanıtarlyq kómek kórsetý Atyraý oblysy ákimdigi tarapynan da jalǵasýda.
