Atyraýdan Qyzylorda men Oralǵa áýe reısi ashyldy
ATYRAÝ. QazAqparat – Atyraýdan Qyzylorda men Oralǵa áýe reısi ashyldy, dep habarlaıdy QazAqparat.
Buǵan deıin «FlyArystan» əýe kompanııasy shildede Atyraý qalasynan Almaty, Aqtaý, Shymkent, Nur-Sultan, Aqtóbe qalalaryna reıs ashqan edi. Endi keshe Qyzylorda men Oral qalalaryna alǵashqy reıs oryndaldy.
«Atyraý-Qyzylorda» baǵytyndaǵy reıs aptasyna eki ret qatynaıdy. Dúısenbi, juma kúnderi «Atyraý-Qyzylorda», al, sərsenbi, juma, jeksenbi kúnderi «Atyraý-Oral» baǵytynda reıster ushady. 180 oryndyq «Airbus-320» ushaqtarynda qaýipsizdik məselesine basa nazar aýdarylady», - deıdi «FlyArystan» əýe kompanııasynyń baspasóz qyzmetiniń ókili Ləzzat Nábıeva.
Onyń aıtýynsha, Atyraýdan Qyzylorda qalasyna bılet quny 6999 teńgeden, Oral qalasyna 4999 teńgeden bastalady. Sondaı-aq, 29 tamyzda Qaraǵandyǵa, al, 1 qyrkúıekte Qostanaıǵa áýe reısteri ashylady.
