Atyraýdan birqatar baǵytqa qatynaıtyn avtobýstar qozǵalysy toqtatyldy
ATYRAÝ. QazAqparat – Atyraý qalasyndaǵy avtobeketten aýdanaralyq, qalaaralyq, halyqaralyq baǵytqa qatynaıtyn avtobýstar toqtatyldy, dep habarlaıdy QazAqparat.
Atyraý avtobeketiniń dırektory Vadım Sınkeevıchtiń aıtýynsha, osy kezge deıin 6 baǵytqa 14 reıs qatynaǵan. Endi Atyraý-Astrahan, Atyraý-Beıneý, Atyraý-Oral, Atyraý-Maqat, Atyraý-Inder, Atyraý-Qulsary baǵytyna jolaýshy tasymaldaıtyn avtobýstardyń júrisi toqtatyldy. Sońǵy reıs 28 naýryzda Atyraýdan Maqatqa ǵana júrgen.
«Avtobýstardyń syıymdylyǵy –50 adam. Tótenshe jaǵdaı jarııalanǵannan keıin jolaýshylar sany 2-3 adamnan aspady» -deıdi Vadım Sınkeevıch.
