Atyraýdan balyq jetkizýge shekteý qoıyldy
ATYRAÝ. QazAqparat - Balyqtardyń jappaı qyrylýy oryn alǵan Atyraýdan balyq jáne balyq ónimderin shyǵarýǵa shekteý qoıyldy, dep habarlaıdy QazAqparat tilshisi.
«Balyqty kúzde aýlap, qatyryp qoıǵan kooperatıvterge óz ónimin satýǵa tyıym salynbaıdy. Biraq Jaıyq pen Peretaskada balyqtyń qyrylýynyń barlyq sebepteri anyqtalǵansha, ýlanǵan balyq pen balyq ónimderiniń jergilikti bazarlar men basqa oblystarǵa jiberilmeýine erekshe nazar aýdarylyp otyr. Buny qadaǵalaý isin ІІD men jergilikti polıtsııa qyzmetine tapsyrdyq. Olar reıdter ótkizip, kólikterdi tek «Shep» beketterinde ǵana emes, joldarda da tekserip júr. Árıne, júz paıyz kepildik bere almaımyz. Biraq bul baǵytta jumys jasap otyrmyz», - dep málimdedi balyqtyń jappaı qyrylý sebepterin tergeý boıynsha vedomstvoaralyq komıssııanyń tóraǵasy Álibek Naýtıev.
Eske sala keteıik, jeltoqsan aıynyń birinshi kúnderi Atyraýda balyqtar qyryla bastady. Ózenge qandaı da bir ýlandyrǵysh zattardyń tastalýyna qatysy bar bolýy múmkin kásiporyndardy tekserip júrgen balyqtyń jappaı qyrylý sebepterin tergeý boıynsha vedomstvoaralyq komıssııa quryldy. Eki qylmystyq is qozǵaldy.
