Atyraýdan 260 ártis Astanaǵa attanady
ATYRAÝ. QazAqparat -17 qyrkúıek kúni Atyraý oblysynyń kúnderi ótetin Astanaǵa 260 mýzykant pen ártis attanǵaly otyr.
«Astanalyqtardy ónerimizben tánti etý úshin biz óńirdegi jetekshi ártisterdi shaqyrdyq. Atyraý delegatsııasynyń quramynda arasynda mýzykanttar, sýretshiler jáne ánshiler bar 260 adam bolady. Bul - 10 ujym. Bizdiń eki kúshti orkestrimiz - Dına Nurpeıisova atyndaǵy akademııalyq orkestr men oblystyq fılarmonııa janyndaǵy «Naryn» folklorlyq-etnografııalyq orkestri bir úlken ujym bolyp óner kórsetedi. 17 qyrkúıekte tańerteńgi saǵat 10-da «Han Shatyr» aldyndaǵy alańda Atyraý oblysynyń kúnderi saltanatty túrde ashylady, biz ony «Óner sheberi» kontsertimen bastaımyz. Alańda jas ánshiler óner kórsetedi», - dep habarlady oblystyq mádenıet, muraǵattar jáne qujattama basqarmasynyń bastyǵy Ábil Jolamanov.
Onyń aıtýynsha, sol kúni Beıbitshilik jáne kelisim saraıynda Atyraý oblystyq tarıhı-ólketaný mýzeıi kórme ázirleıdi, oǵan 260 eksponat qoıylady. Eń aldymen bul Saraıshyq qalashyǵynan materıaldar, Inder aýdanynyń Qurylys aýylynan sońǵy qazý kezinde tabylǵan jádigerlikter. Kelesi kúni de «Han Shatyr» aldynda kontsert jalǵasady, al keshke « Jastar» teatrynda Shyńǵys Aıtmatovtyń shyǵarmasy boıynsha oblystyq qazaq teatrynyń «Máńgúrt» spektakli qoıylady.
