Atyraýdan 100 bozbala ońtústik óńirge áskerge attandy

ATYRAÝ. QazAqparat – Atyraýdan 100 bozbala ońtústik óńirdegi Gvardeısk eldi mekenindegi áskerı bólimde qyzmet etýge attandy, dep habarlaıdy QazAqparat.

Kúzgi áskerge shaqyrý naýqany kezinde Qorǵanys mınıstrliginiń áskerı bólimderine jas sarbazdardyń alǵashqy legin attandyrý Atyraý oblystyq Qorǵanys isteri jónindegi departamenti janyndaǵy jınaqtaý pýnktinde ótti. Medıtsınalyq komıssııadan ótip, áskerı kıimderin 100 bolashaq sarbazdyń jartysy áskerı bólimge attandy.

«Shaqyrý qaǵazyn alysymen dereý shaqyrý pýnktine kelip, medıtsınalyq komıssııadan óttim. Qazaqstan Respýblıkasynyń azamaty retinde Qarýly Kúshter qatarynda qyzmet etýge daıynmyn», - deıdi áskerge shaqyrylýshy Ravıl Jolaman.

Atyraý oblystyq Qorǵanys isteri jónindegi departamenti bastyǵynyń orynbasary, kapıtan Jasulan Satbaldıevtyń aıtýynsha, bıyl oblystyq medıtsınalyq komıssııanyń quramyna ınfektsıonıst dárigerler engizilgen. Áskerge shaqyrylýshylardy áskerı bólimderge attanar aldynda mindetti túrde PTR ádisimen COVID-19-ǵa zerthanalyq test tapsyrady. Sonymen qatar, olarǵa áskerı bólimge barar jolda bakterııaǵa qarsy zalasyzdandyrý úshin gel, medıtsınalyq qolǵaptar men maskalar berilip otyr.

«Bizdiń oblystan UQK Shekara qyzmetiniń áskerı bólimderin jasaqtaý jospary tolyqtaı oryndaldy. Endigi kezekte Qorǵanys mınıstrliginiń áskerı bólimderin tolyqtyrýdy bastadyq», - dedi Atyraý oblystyq Qorǵanys isteri jónindegi departamenti bastyǵynyń orynbasary, kapıtan Jasulan Satbaldıev.

Eske sala ketelik, budan buryn Atyraýdan 700-ge jýyq jas áskerge shaqyrylatynyn jazǵan bolatynbyz.