Atyraýdaǵy Jylyoı aýdanynyń 90 jyldyq mereıtoıy toılandy
ATYRAÝ. QazAqparat - Jylyoı aýdanynyń 90 jyldyq mereıtoıynda ulttyq sport túrleri dəriptelip, elimizdiń ár aımaǵynan kelgen shabandozdar alaman bəıgege qatysty, dep habarlaıdy QazAqparat tilshisi óńirlik kommýnıkatsııalar qyzmetine silteme jasap.
Ǵasyrǵa jýyq tarıhy bar bul aýdannyń 90 jyldyq merekesin jylyoılyqtar erekshe atap ótti. Sharanyń ashylý saltanatynda aýdan ónerpazdary jáne «Sarmad» etno-folklorlyq ansambli, Atyraý oblystyq fılarmonııasy orkestri óner kórsetti.
«Qutty mekende keshegi pir Beket pen aýyzymen qus tistegen Tinekeıuly Qulsary sheshendi ómirge kelgen. Talaı qıly kezeńdi basynan ótkizgen bul aýdan búginde óz qoly aýyzyna jetip, jyl saıyn gúldenip, órkendep, damý ústinde. Aýdannyń oblys damýynda da alar orny erekshe», - dedi Atyraý oblysy ákiminiń birinshi orynbasary Serik Shapkenov.
Merekeniń alǵashqy kúninde respýblıkalyq aqyndar aıtysy ótip, ony QR eńbegi sińgen qaıratkeri Júrsin Erman júrgizdi. Aıtysqa ár óńirden 14 aqyn qatysyp bas júlde Bekarys Shoıbekovke buıyrdy.
Aıtysty merekeniń ekinshi kúninde Búrkit tóbedegi alańda qazaqsha kúres, 32 keli kir tasyn kóterýden saıys ótkizildi. Keıin top báıge men alamen báıge bastaldy. 9 tulpar top báıgede 21 shaqyrymǵa, alaman báıgege 18 səıgúlik 31 shaqyrymǵa jiberildi. Jeńimpazdarǵa jańa avtokólikter berildi.
Mereıtoı Qulsary qalasynyń ortalyq stadıonynda qazaq estradasy juldyzdarynyń qatysýymen ótken merekelik sharamen aıaqtaldy. Kontsertke jıylǵan 7 myńǵa jýyq kórermen qatysty. Olar kesh sońynda merekelik ot shashýdy tamashalady. 
