Atyraýdaǵy jol apaty: Júrgizýshiniń biri mert boldy, ekinshisi aýrýhanaǵa tústi
ATYRAÝ. QazAqparat – Atyraýda qala ortasynda eki kólik soqtyǵysyp, bir júrgizýshi mert boldy. Ekinshi júrgizýshi aýrýhana jetkizildi, dep habarlaıdy QazAqparat.
Oblystyq polıtsııa departamentiniń baspasóz qyzmetinen málim etkendeı, jol-kólik oqıǵasy keshe, 24 naýryzda saǵat 23:00 shamasynda bolǵan.
«Atyraý qalasyndaǵy Ábilqaıyrhan dańǵyly boıynda «Lada Prıora» kóligi keri burylý kezinde qarsy baǵytta kele jatqan «Mercedes» kóligine soqtyǵysqan. Jol-kólik oqıǵasynyń saldarynan «Lada Prıora» kóligin basqarǵan 1983 jylǵy júrgizýshi oqıǵa ornynda mert boldy. Al, «Mercedes» kóliginiń rýlinde bolǵan 25 jastaǵy júrgizýshi aýrýhanaǵa jetkizildi», -dep habarlady departamenttiń baspasóz qyzmeti.
Qazir atalǵan jol-kólik oqıǵasyna baılanysty tergeý amaldary júrgizilip jatyr.
Eske sala ketelik, budan buryn Atyraý oblysynda jol apatynan bir adam mert bolyp, júrgizýshi aýrýhanaǵa túskenin habarlaǵan edik.
