Atyraýdaǵy jarylys: Aýrýhanaǵa túsken úsh adamnyń jaǵdaıy aýyr
ATYRAÝ. QazAqparat – Atyraý qalasyndaǵy turǵyn úıdegi gaz qazandyǵynyń jarylysynan keıin aýrýhanaǵa túsken úsh adamnyń óte jaǵdaıy aýyr, dep habarlaıdy QazAqparat.
Budan buryn Atyraýda turǵyn úıde jylý qazandyǵy jarylǵanyn jazǵan bolatynbyz.
Jylý qazandyǵy búgin, 10 qarashada túngi saǵat 1:24-te jarylǵan. Jarylystyń saldarynan jalpy kólemi 120 sharshy metr bolatyn turǵyn úı otqa oranyp, tóbe jabyndysy men bólmeleri tolyqtaı órtenip ketti. Órtten 3 adam – 19 jastaǵy eki jigi pen 22 jastaǵy boıjetken zardap shegip, oblystyq aýrýhanaǵa jatqyzyldy.
Oblystyq densaýlyq saqtaý basqarmasynyń baspasóz qyzmetinen málim etkendeı, aýrýhanaǵa jatqyzylǵan 3 naýqastyń ekeýi jansaqtaý bólimshesinde jatyr.
«Jansaqtaý bólimshesindegi naýqastyń biriniń denesin 90%, ekinshisinde 85-90% kúıik shalǵan. Ekeýiniń de jaǵdaıy óte aýyr. Naýqastyń ekeýi de jasandy tynys alý apparatyna qosylǵan. Al, 1999 jylǵy boıjetken 25-30% kúıikpen neırotravmatolgııa bólimshesinde jatyr. Onyń jaǵdaı aýyr. Dárigerler naýqastardy jiti qadaǵalaýyna aldy» -dep habarlady basqarmanyń baspasóz qyzmeti.
