Atyraýdaǵy jármeńkede qarbyz 25 teńgeden satylyp jatyr

ATYRAÝ. QazAqparat – Atyraýda turǵyndarǵa qolaıly bolýy úshin aýylsharýashylyq ónimderiniń jármeńkesi qalanyń eki jerinde uıymdastyrylýda dep habarlaıdy QazAqparat tilshisi qalalyq ákimdiktiń baspasóz qyzmetine silteme jasap.

«Apta saıyn uıymdastyrylyp jatqan aýylsharýashylyq ónimderiniń jármeńkesin osy ýaqytqa deıin «Saraıshyq» kommýnaldyq bazarynda uıymdastyryp kelgen edik. Mine, ekinshi apta boldy ony «Munaıshy» sport kesheniniń mańyna kóshirdik. Qala turǵyndary dán rıza», - dep atap ótti qalalyq kásipkerlik bóliminiń basshysy R. Davletov.

«Aýylsharýashylyq ónimderiniń pisken shaǵynda biz tek ortalyq bazarǵa kelip kóterme baǵamen satyp ketetinbiz. Qazir ózimiz kelip saýda-sattyq jasap jatyrmyz. Bul biz úshin óte qolaıly», - dep atap ótti jeke kásipkerler.

Esterińizge sala ketelik, aptanyń senbi, jeksenbi kúnderi uıymdastyrylyp júrgen jármeńke núkteleri «Saraıshyq» kommýnaldyq bazarynda jáne «Munaıshy» sport keshenindegi eki jerde ornalasqan.