Atyraýdaǵy jármeńkede 650-den astam bos jumys orny usynyldy

Atyraýda Eńbek kúnine oraı ótken jármeńkede 43 mekeme 651 bos jumys ornyn usyndy, dep habarlaıdy QazAqparat tilshisi.

Atyraý oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Azamat Mámbetovtiń aıtýynsha, jumysshy mamandyǵyna suranystyń artqany baıqaldy.

«Jármeńkede 651 vakanttyq jumys oryndary usynyldy. Onyń 584-i qarapaıym jumysshy mamandyqtary – júrgizýshi, aǵash satyny montajdaýshy, aspaz, as úı qyzmetshisi, kúzetshi, qoımashy, spreımen árleýshi, daralaýshy, belgi berýshi, elektrık, tiginshi, daıarshy, barmen, tazalaýshy, kir jýýshy, jóndeýshi, túrli baǵyttaǵy operatorlar. Injenerlik pozıtsııalar boıynsha 67 bos jumys orny anyqtalyp otyr. Bul – tehnıka qaýipsizdigi ınjeneri, qurylys ınjeneri, ınjener-mehanık, ınjener-elektrık sekildi mamandyqtar», - dedi Azamat Mámbetov.

Bos jumys oryndaryn usynǵan kompanııalar qatarynda «Denholm Joldas», «Ekspertız», «Berkıt Seıftı», «ıÝSS Sýpport Servısez», «Neftestroıservıs, «Karat», «Orion Group KZ», «FSSA» sekildi kompanııalar bar. Sondaı-aq, ilikti mamandar «Atyraý jylý ortalyǵy» AQ, «Atyraý jaryq», «Bolashaq Atyraý», «AMÓZ», «Tenaz Management», «Elektrostroımontaj», «Kaztýrboremont» kompanııalaryna qajet.

«Jármeńkede usynylǵan bos jumys oryndaryna jumyssyz júrgender túıindemesin tapsyrdy. Olar kompanııalardyń talabyna sáıkes test tapsyrady. Sodan keıin jumysqa qabyldanady», dep málim etti Azamat Mámbetov.

Eske sala ketelik, buǵan deıin Atyraý oblysynda bos júrgen 10 718 jastyń úshten biri jumysqa ornalasqanyn habarlaǵan edik.