Atyraýdaǵy jármeńkede 25 sheteldik kompanııa bos oryndar usynady
ATYRAÝ. QazAqparat - Sheteldik 25 kompanııa Atyraýda ótetin jármeńkede bos oryndardy jarııalaıdy. Jumyssyz azamattarǵa 300-den astam bos jumys oryndary usynylady, dep habarlaıdy QazAqparat tilshisi.
Jármeńkeni «Jastar eńbek bırjasy» jobasy aıasynda jastar resýrstyq ortalyǵy ótkizedi. Sharanyń negizgi maqsaty - jastarǵa eńbek naryǵynyń qazirgi ahýaly, jumyskerlerge muqtaj uıymdar men jumysqa ornalasý múmkindikteri týraly tolyq aqparat berý.
«Ýaqyt bir orynda toqtap qalmaıdy. Keıbir mamandyqtarǵa suranys joq. Jumyssyz jastar mamandyq boıynsha qalaǵan jumys ornyn tappasa da, eńbek naryǵynda suranysqa ıe mamandyqtar týraly tolyq aqparat alyp, qaıta bilim alýǵa qatysty saýaldarǵa jaýap alý múmkindigine ıe bolady», - dedi Jastar saıasaty máseleleri jónindegi basqarma basshysy Rollan Quspan.
Bos oryndar jármeńkesi 5 qazan kúni saǵat 10.00-12.00 aralyǵynda «APEC Petrotechnic» kolledjinde ótedi.
