Atyraýdaǵy jármeńkede 1 tonnaǵa jýyq et satyldy
ATYRAÝ. QazAqparat –Atyraý qalasynda birkúndik jármeńkede 1 tonnaǵa jýyq et satyldy, dep habarlaıdy QazAqparat.
20 jeltoqsanda «Saraıshyq» kommýnaldyq bazarynda aýylsharýashylyq ónimderiniń jármeńkesi uıymdastyryldy.
«Jármeńkede 15 sharýa qojalyǵy men taýar óndirýshiler naryqtaǵy naqty qunynan tómen baǵamen et, sút, kókónis jáne basqa da ónimderdi usyndy. Atyraý qalasynyń turǵyndary men qonaqtary 630 keli kartop, 380 keli sábiz, 400 keli pııaz, 130 keli qyryqqabat, 900 keli et satyp aldy», - dep málim etti Atyraý qalasy ákimdiginiń baspasóz qyzmetinen.
Eske sala keteıik, buǵan deıin Atyraýda áleýmettik mańyzy bar taýarlar naryqtaǵy baǵadan arzanǵa satylatynyn jazǵan edik.
