Atyraýdaǵy jappaı tóbeles: Oqýshylardyń ata-analary jazaǵa tartyldy
ASTANA. QazAqparat - Atyraýda jappaı tóbeles shyǵarǵan oqýshylardyń isi sotta qaraldy, dep habarlaıdy QazAqparat tilshisi.
Sot materıaldaryna sáıkes, ótken jyldyń jeltoqsan aıynda №22 men 24 mektep oqýshylary arasynda janjal shyqqan. Sabaqtan keıin barlyǵy dalaǵa shyǵyp tóbelesken. Eki jaqtyń dostary da kelip, jaǵa-jyrtysqa aralasqan. «Іshki ister organdary barlyq oqýshylardyń aty-jónin anyqtady. Olardyń bári - 2002-2003 jyly týǵandar. Mektep oqýshylarynyń ata-analaryna qatysty Ákimshilik quqyq buzýshylyq týraly kodekstiń 435-baby boıynsha usaq buzaqylyq úshin ákimshilik is qozǵaldy. Atyraý oblysy boıynsha kámeletke tolmaǵandar isteri jónindegi mamandyrylǵan aýdanaralyq soty 10 ákimshilik isti qarap, oqýshylardyń barlyq ata-analaryna aıyppul (7 AEK - 16 835 teńge) saldy», - delingen sottyń resmı habarlamasynda.
Aıta keteıik, atalǵan oqıǵa 2017 jyly 6 jeltoqsanda Atyraý qalasyndaǵy «Prıvokzalnyı» shaǵyn aýdanynda bolǵan. Jappaı tóbeles beınetaspaǵa túsirilip, áleýmettik jeliler arqyly tarap ketken.
