Atyraýdaǵy jańa shaǵyn aýdandarda eki saıabaq salynady
Atyraý qalasy ákimdiginiń baspasóz qyzmetinen málim etkendeı, «Nursaıa» jáne «Samal» shaǵyn aýdanynda jańa saıabaqtar salynady.
«Qazir «Nursaıa» shaǵyn aýdanyndaǵy saıabaq qurylysyna jobalaý-smetalyq qujattama jasaqtaldy. Jobalaýshy mekeme – «Redline pro» JShS. Jańa saıabaq 5 gektar aýmaqta ornalasady. Munda kópqabatty turǵyn úılerdiń aýlalarynda balalarǵa arnalǵan oıyn alańdaryn jańǵyrtý qolǵa alyndy. Bul jumys jalǵasyn tabady. Saıabaqtyń negizgi tujyrymdamasy turǵyndardyń kógalda demalý baǵytynda jobalanǵan. Onda júgirýshiler men velosıpedshilerge arnalǵan arnaıy jolaqtar, jaryq shamdary, kólik turaǵy, sýburqaq salynady. Aýmaqtyń kóp bóligine aýa raıyna ıkemdelgen kóshetterdi kóptep egý qarastyrylǵan», - dep habarlady ákimdiktiń baspasóz qyzmetinen.
Sondaı-aq «Samal» shaǵyn aýdanynda salynatyn saıabaq qurylysynyń qujattamasy jasaqtalyp, saraptamaǵa engizildi. Onyń jobasyn «Vıbo Stroı» JShS daıyndaǵan.
«Bul shaǵyn aýdan – jeke turǵyn úı sektoryna arnalǵan aýmaq. Jańa saıabaqta turǵyndardyń salamatty ómir saltyn qalyptastyrýyna baǵyttalǵan fýtbol, basketbol jáne voleıbol, ashyq tennıs korty men jattyǵý alańy qarastyrylǵan. Munda da jaryq shamdary ornatylyp, kóshetter egiledi. Sýarý jelisi men órnektastar tóselip, kólik turaǵy bolady», - dep málim etti ákimdiktiń baspasóz qyzmetinen.
Eske sala ketelik, budan buryn Atyraýda Otbasy kúnine oraı jańa saıabaq ashylǵanyn habarlanǵan edi.
Foto: Atyraý qalalyq ákimdiginiń baspasóz qyzmeti
