Atyraýdaǵy zaýytta bir bekireden 22 kg qara ýyldyryq alyndy

ATYRAÝ. QazAqparat – Keshe Atyraýdaǵy «Jaıyq-Atyraý» bekire shabaǵyn ósirý zaýytynda bekireden jasandy jolmen 22 kg qara ýyldyryq alyndy, dep habarlaıdy QazAqparat.

Orman sharýashylyǵy jáne janýarlar dúnıesi komıtetiniń baspasóz hatshysy Sáken Dildahmettiń habarlaýynsha, qara ýyldyryq alynǵan bekireniń salmaǵy –148 kg. Ony balyqshylar 1 naýryzda Jaıyq ózeninen aýlaǵan.

«Jasandy jolmen alynǵan qara ýyldyryq «Osetr» apparatyna salyndy. Keıin basseınde, sonan soń toǵanda jetiledi. Bekire shabaqtaryn shilde-tamyz aılarynda Jaıyq ózenine, ıaǵnı tabıǵı ortaǵa jiberý kózdelýde. Al, bekire balyǵy jaqyn arada Kaspıı teńizine jiberiledi» -dep habarlady Sáken Dildahmet.

Onyń málimetinshe, jyl basynan beri «Jaıyq-Atyraý» bekire shabaǵyn ósirý zaýytyna bekire tuqymdas balyqtardyń 57 danasy aýlandy. Bıyl tabıǵı ortaǵa baǵaly balyqtardyń 75 mln shabaǵyn, sonyń ishinde bekireniń 7 mln shabaǵyn jiberý josparlanǵan.