Atyraýdaǵy úsh adamnyń ólimi: Іs prokýrordyń baqylaýyna alyndy

ATYRAÝ. QazAqparat – Atyraýda úsh adamnyń ólimine qatysty tergeýdi oblys prokýrory jeke baqylaýyna aldy, dep habarlaıdy QazAqparat tilshisi.

«2019 jyldyń onynshy jeltoqsanynda 17:30 shamasynda «Juldyz» yqshamaýdanyndaǵy jekemenshik úıde 1927, 1971 jáne 1978 jyldary dúnıege kelgen úsh adamnyń denesi tabylǵan. QR QK 306-baby, 3-tarmaǵy boıynsha sotqa deıingi tergeý júrip jatyr. Ólim sebepterin anyqtaý barysyn oblys prokýrory jeke baqylaýyna aldy», - dep habarlady Atyraý oblysy prokýrorynyń aǵa kómekshisi Qanat Qabdolov.

Esterińizge sala keteıik, Atyraý qalasy «Juldyz» shaǵyn aýdanyndaǵy jeke úılerdiń birinen eki er adam men bir áıeldiń denesi tabylǵan bolatyn. Marqumdar gazdan ýlanýy múmkin degen kúdikpen saraptama jasalyp, sotqa deıingi tergeý júrip jatyr.