Atyraýdaǵy turaqtandyrý qorynyń qoımasynda 813 tonna kókónis bar

ATYRAÝ. QazAqparat – Atyraýdaǵy turaqtandyrý qorynda 813 tonna kókónis bar. Qor qoımasyndaǵy ónim mamyrǵa deıin jetedi, dep habarlaıdy QazAqparat.

Oblystyq kásipkerlik jáne týrızm basqarmasynyń basshysy Nurbol Jańabekovtiń aıtýynsha, Tájikstan men Qyrǵyzstannan pııaz jetkizýge kelissóz júrgizilip jatyr.

«Pııazdyń sapasy men naqty baǵasy belgili bolǵannan «Atyraý» áleýmettik kásipkerlik korporatsııasy» AQ shartqa otyrady. Pııazdy «Ideal Market» JShS satýǵa nıet bildirdi. Tájikstannan pııaz ónimi tasymaldanyp, «Ideal» sýpermarketterinde satylatyn bolady. Pııazdy Jambyl men Batys Qazaqstan oblystarynan tasymaldaý josparlanyp otyr», -dep habarlady Nurbol Jańabekov.

Onyń málimetinshe, óńirdegi 60-qa jýyq saýda ornynda áleýmettik mańyzy bar 18 túrli ónim satylyp jatyr. Bul ónimderdiń baǵasy naryqtaǵy qunnan 15 paıyzǵa arzan. Qant tapshylyǵyn boldyrmaý úshin «Kóksý» zaýytymen aldyn ala kelisim jasalǵan.

«Bıyl «Qyzanaq agro» JShS 300 gektar alqapqa egin egedi. Kókónis ónimin satý úshin saýda oryndardyń sanyn 12-ge jetkizedi. Atalǵan sharýashylyq kúzde 5 myń tonnadan astam aýyl sharýashylyǵy ónimderin jınaýdy kózdep otyr. Kókónister mamyr aıyna deıin qoımada saqtalyp, satylymǵa shyǵarylady. Ózge óńirlerden de kókónisterdi jetkizý maqsatynda kelissózder júrgizýge jumystanyp jatyrmyz. Bul baǵanyń turaqtaýyna septigin tıgizedi», - deıdi «Atyraý» ÁKK AQ bas menedjeri Gúlmıra Meńdalıeva.

Bas menedjerdiń deregine súıensek, qazir turaqtandyrý qorynyń qoımasynda 813 tonna kókónis bar. Qoımadaǵy ónim mamyr aıyna deıin jetedi.

Eske sala ketelik, buǵan deıin Atyraýda azyq-túlik baǵasynyń ósýine deldaldar sebep bolýǵanyn jazǵan edik.