Atyraýdaǵy Teńiz ken ornynda «sary» tútin býdaqtady
ATYRAÝ. QazAqparat – Atyraý oblysyndaǵy Teńiz kenishinde «sary» tútin býdaqtady, dep habarlaıdy QazAqparat.
Bul týraly áleýmettik jelilerde vıdeo tarady. Onda ken ornyndaǵy keshendi tehnologııalyq qondyrǵylardyń birinen «sary» tútin býdaqtap jatqany túsirilgen.
Jergilikti «Aqjaıyq» basylymynyń habarlaýynsha, «Teńizshevroıl» JShS bul oqıǵany rastaǵan. Keshe, 19 sáýirde keshendi tehnologııalyq qondyrǵylardyń birinde qysymnyń joǵarylaýynan artyq gaz tútin murjasynan shyqqan.
Óndiris ornyndaǵy jedel emes personal qaýipsizdik tehnıkasyna sáıkes evakýatsııalanǵan. Keıin jaǵdaı turaqtalyp, qyzmetkerler jumysyna oralǵan.
Qazir oqıǵanyń neden bolǵany anyqtalyp jatyr.
