Atyraýdaǵy syrahanada atys boldy
ATYRAÝ. QazAqparat - Atyraýdaǵy syrahanalardyń birine kelýshi kerisip qalǵan soń kúzetshini birneshe jerden atyp ketti, dep habarlaıdy QazAqparat.
«ІІD JBO kezekshisine túnde syrahananyń birinde kelýshi men kúzetshi tóbelesip jatqany jóninde qońyraý shalyndy. Telefonnan atys shyǵyp jatqany estilip turǵan. Oqys oqıǵa ornyna jetken polıtsııa jasaǵy 29 jastaǵy kelýshi men 24 jastaǵy kúzetshi ekeýiniń arasynda kıkiljiń bolyp, arty tóbeleske ulasqanyn anyqtady. Janajal barysynda kelýshi kúzetshini birneshe atyp, qashyp ketken», - dep habarlaıdy óńirlik ІІD-niń baspasóz qyzmeti.
Jaraqat alǵan kúzetshi oblystyq aýrýhanaǵa jatqyzyldy. Oqıǵa ornynan rezeńke oq tabyldy, ol sot-balıstıkalyq saraptaǵa joldandy. Qazirgi ýaqytta kúdiktini ustaý sharasy qolǵa alynýda. Sotqa deıingi tergeý bastaldy.
