Atyraýdaǵy «Spetsavtobaza» JShS dırektory qamaýǵa alyndy
ATYRAÝ. QazAqparat - Atyraýdaǵy «Spetsavtobaza» jaýpkershiligi shekteýli seriktestiginiń dırektory qamaýǵa alyndy, dep habarlaıdy «QazAqparat» HAA tilshisi.
Atyraý qalasy №2 sotynyń sýdıasy «Spetsavtobaza» JShS dırektoryna qatysty eki aı «qamaýda ustaý» boıynsha bultarpaý sharasyn taǵaıyndady.
Sotqa deıingi tergeý organdary ony memleket senip tapsyrǵan bıýdjet qarjysyn iri kólemde jymqyryp, sybaılas jemqorlyqqa baılanysty qylmys jasady dep aıyptap otyr.
«Qyzmet babyn asyra paıdalanǵan ol memleket qarjysyna birneshe márte qol salǵan»,-dedi Atyraý qalalyq №2 sotynyń baspasóz qyzmeti.
Atalǵan zańbuzýshylyq QK 189-baby 3-bóliginiń 2-tarmaǵy boıynsha sotqa deıingi tergeýdiń biryńǵaı tizilimine tirkeldi. Tergeý sharalary jalǵasýda.
