Atyraýdaǵy Sımýlıatsııalyq ortalyq ana men bala ólimin azaıtýǵa yqpal etedi
ATYRAÝ. QazAqparat - Atyraý oblysynyń ákimi qalalyq perzenthana bazasynda ashylǵan jańa Sımýlıatsııalyq ortalyqqa bardy, dep habarlaıdy QazAqparat tilshisi óńirlik kommýnıkatsııalar qyzmetine silteme jasap.
Atyraýda qalalyq perzenthana bazasynda jańa zamanaýı jabdyqtarmen jaraqtandyrylǵan jańa Sımýlıatsııalyq ortalyq ashyldy.
Jańa ortalyq 15 stantsııadan turady, onda jas jáne tájirıbeli dárigerler túrli manıpýlıatsııalardy jasaıdy. Merziminen buryn týǵan sábılerdi, bosanǵan áıelderdi reanımatsııalaýda, bosanýǵa járdemdesýde, týýdy ımıtatsııalaýda qyzmetkerler arnaıy medıtsınalyq mýlıajdarda tájirıbelik daǵdylaryn jetildiredi.
«Bul robottar adam aǵzasyna barynsha jaqyndatylǵan, emotsııalardy bildire alady, dybystar shyǵaryp, sóıleýi múmkin. Barlyǵy 15 robottandyrylǵan stantsııalarǵa 200-ge jýyq jabdyqtar satyp alyndy. Jańa ortalyqty ashýda biz eki mindetti kózdedik. Birinshiden, óńirlerdiń medıtsınalyq qyzmetkerlerin ártúrli jaǵdaılarda tájirıbelik kómek kórsetý daǵdylaryna úıretemiz, ekinshiden jedel járdem kelgenge deıin alǵashqy kómek kórsetetin paramedıkter daıyndaımyz», - dedi Atyraý oblysynyń densaýlyq saqtaý basqarmasynyń basshysy Manshúk Aımýrzıeva.
Oblystyq densaýlyq saqtaý basqarmasy basshysynyń málimetinshe, búgingi kúni qalalyq perzenthana bazasynda ornalasqan Sımýlıatsııalyq ortalyqtan basqa Atyraý medıtsınalyq kolledji janynda Sımýlıatsııalyq synyp ashyldy. Onda stýdentter 5 stantsııada kómek kórsetýdi tájirıbe júzinde úırenedi.
Aıta ketý kerek, Atyraýdaǵy jańa Sımýlıatsııalyq ortalyq eń zamanaýı qural-jabdyqtarmen jabdyqtalǵan jáne Qazaqstannyń batysynda aldyńǵy qatarly ortalyq bolyp sanalady.
Jańa ortalyqqa barǵan oblys basshysynyń aıtýynsha, dáriger mamandyǵy kúndelikti oqý men daǵdylaryn jetildirýden turady. Jańadan ashylǵan oqý jattyǵý orny tek dárigerlerge ǵana emes, sonymen qatar polıtsııa qyzmetkerlerine, órt sóndirýshilerge, dene shynyqtyrý muǵalimderine, jattyqtyrýshylarǵa tipti memlekettik qyzmetshilerge de paıdaly bolady.
«Bizdiń mindetimiz - ár dárigerdiń óziniń arnaıy daǵdylaryn avtomattandyrýǵa qol jetkizýi úshin osy ortalyqtan tájirıbeden ótkizý. Bizdiń birinshi kezektegi maqsatymyz - adamı faktordy alyp tastaý, óńirdegi barlyq dárigerler óz salasynyń mamany bolýy tıis», dep tapsyrdy Nurlan Noǵaev densaýlyq saqtaý basqarmasynyń basshysyna.
Sonymen qatar, Atyraý oblysynyń ákimi Almagúl shaǵyn aýdanyndaǵy qalalyq perzenthana jumysymen tanysty. Búgingi tańda munda kún saıyn 20-ǵa jýyq sábı dúnıege keledi. Úsh jolaqty jańa júıeniń arqasynda patologııa bólimindegi tósek sany 30-dan 16-ǵa deıin, al shuǵyl kórsetkishtermen túsken áıelderge alǵashqy 2 mınýtta qyzmet kórsetiledi. Oblys ákimine bosanatyn áıeldi qabyldaýdan bastap bosaný bólmesine deıingi qabyldaý protsesi qalaı ótetinin áńgimeledi. Endi óńirdegi jańa Sımýlıatsııalyq ortalyqtyń arqasynda ana men bala óliminiń kórsetkishin nólge deıin qysqartý josparlanyp otyr.
Atap aıtqanda, ortalyqta 12 jattyqtyrýshy - barlyq daıyndalǵan dáriger neonatologtar, anestezıologtar, reanımatologtar, akýsher-gınekologtar jáne gınekologtar jumys isteıtin bolady. Aǵymdaǵy jyldyń aıaǵyna deıin oblystyń barlyq medıtsınalyq mekemeleriniń qyzmetkerlerin, sondaı-aq 200 paramedıtsınalyq mamandardy biliktiligin arttyrý kýrstarynan ótkizý josparlanýda.
