Atyraýdaǵy shaǵynaýdandardyń birinde eki apta ystyq sý bolmaıdy

ATYRAÝ. QazAqparat – Atyraý qalasyndaǵy «Nursaıa» shaǵynaýdanyndaǵy turǵyn úılerde eki apta ystyq sý bolmaıdy, dep habarlaıdy QazAqparat tilshisi.

Munaıly shahardaǵy jańa shaǵynaýdannyń biri – «Nursaıa». Keıingi jyldary munda kópqabatty turǵyn úılermen birge, jeke ıeliktegi baspanalar qatary da kóbeıdi.

Atyraý oblysynyń energetıkalyq kesheni baspasóz qyzmetiniń málimetinshe, 12 maýsymnan bastap atalǵan shaǵynaýdandaǵy turǵyn úılerge ystyq sý berý ýaqytsha toqtaıdy. Turǵyndar 26 maýsymǵa deıin ystyq sýsyz otyrady.

Muny «Atyraý jylý jelileri» AQ-nyń basshylary josparly jóndeý, tekserý jumystarymen baılanystyryp otyr.

«Kúrdeli jóndeý josparyna sáıkes jylý berý pýnktteriniń jabdyqtaryn tekserý júrgiziledi. Soǵan baılanysty 12 maýsymnan 26 maýsymǵa deıin «Nursaıa» shaǵynaýdanynda jekelegen mekenjaılarda ystyq sý berý ýaqytsha toqtatylady», -dep málim etti kásiporynnyń baspasóz qyzmeti.

Belgili bolǵandaı, shaǵynaýdandaǵy tórt jylý pýnktinde jóndeý, tekserý júrgizý josparlanǵan. Sol sebepten, №1 jylý pýnktinen №80, 81, 82, 83, 84, 85, 86, 87, 88, 89, 90, 91, 92, 93, 94, 95,96, 102, 103, 104, 105, 106, 107, 108, 109, 110, 111, T.Jumaǵalıev kóshesindegi 14, 21, 25, 25a;

№2 jylý pýnktinen №1, 2, 3, 4, 6, 7, 8, 9, 10, 11, 12, 13, 15, 16, 17, 18, 19, 20, 21, 22, 23, 24,

25, 26, 27, 28, 29;

№3 jylý pýnktinen №55, 56, 57, 58, 59, 60, 61, 62, 63, 64, 65, 66, 67 ,68, 69, 70;

№4 jylý pýnktinen №112, 113, 114, 115, 116, 117, 118, 119, 120, 121 mekenjaılaryna ystyq sý berý berilmeıdi.

Sondaı-aq, ERTS-3 magıstralinen T.Jumaǵalıev kóshesindegi №14, 15 jáne Narembaev kóshesinde ornalasqan 17/1-5/ mekenjaıynda ystyq sý berý ýaqytsha toqtatylady.

Eske sala ketelik, Atyraýdyń birneshe shaǵynaýdanynda 5 kún ystyq sý bolmaıtynyn habarlaǵan bolatynbyz.