Atyraýdaǵy «Sasyǵan saı» alqabynyń máselesi osy jazda sheshiledi – mınıstrlik

ATYRAÝ. QazAqparat - Atyraý qalasynyń «Sasyǵan saı» boıynsha ekologııalyq máselesi osy jazda sheshiledi. Bul týraly QR Ekologııa, geologııa jáne tabıǵı resýrstar mınıstrligi Ekologııalyq retteý jáne baqylaý komıtetiniń tóraǵasy Zýlfýhar Joldasovtyń Atyraý qalasyna sapary barysynda málim boldy, dep habarlaıdy QazAqparat.

Z.Joldasov óńirdiń kárizdik tazartý qurylǵylary kesheninde boldy.

«Sasyǵan saı» býlaný alqaby – Atyraý oblysynyń basty problemalarynyń biri. Qaladan birneshe shaqyrym jerde ornalasqan bul aımaqty adamdar sol jerden shyǵatyn jaǵymsyz ıiske baılanysty ataǵan.

Munda birneshe ondaǵan jyl boıy ártúrli kásiporyndar men turǵyndar óndiristik jáne ekonomıkalyq qaldyqtardy, sondaı-aq aǵyndy sýlardy aǵyzyp keldi. Bul, atmosferalyq aýanyń kúkirtsýtekpen lastanýyna ákeldi.

«Óńir ákimdigi eki jyl boıy qalanyń sol jaq jaǵalaýy úshin kárizdik tazartý qurylǵalary keshenin salý boıynsha jumys júrgizip keledi. Keshenniń qýattylyǵy táýligine 70 myń tekshe metr aǵyndy quraıdy dep kútilýde.

Qazirgi ýaqytta, kárizdik tazartý qurylystarynyń qurylys jumystary tolyq aıaqtaldy. Aǵymdaǵy jyldyń naýryz aıynan bastap iske qosý-jóndeý jumystary júrgiziledi.

Keshen osy jyly jazda paıdalanýǵa beriledi», - dedi QR Ekologııa mınıstrliginen.