Atyraýdaǵy respýblıkalyq aıtystyń bas júldesin 2 aqyn jeńip aldy
ASTANA. QazAqparat - Búgin Atyraý qalasynda «Uly dalanyń ulttyq dəstúrleri» forýmy aıasynda ótken respýblıkalyq aqyndar aıtysynyń jeńimpazdary belgili boldy, dep habarlaıdy Atyraý oblystyq óńirlik kommýnıkatsııalar qyzmeti.
Atyraýlyq aqyn Aızada Daýlekenova men Qaraǵandylyq aqyn Tilegen Ədilov 3 mıllıon teńgeni teńdeı bólip aldy
Aıta keteıik, keshe Atyraý oblysy əkimdiginiń qoldaýymen Respbýlıkalyq aqyndar aıtysy bastalǵan bolatyn.
Qazaqstannyń ər óńirinen kelgen 20 aqyn baq synasqan bolatyn. Aıtystyń qorytyndysy boıynsha qatysqan 8 aqynǵa «Shabyttandyrý» atty syılyǵy berilip, 200 myń teńgeden tabystaldy. Sonymen qatar,qatysqan 5 aqynǵa "Arnaıy syılyq" nomınatsııasy boıynsha, ər qaısyna 400 myń teńgeden tabystaldy. 3-shi oryndy ıelengen Muhtar Nııazov,Aıbol Jolmaǵambetov jəne Dıdar Qamıev 500 myń teńgeni qarjyǵalaryna baılady. Al, 2-shi orynǵa jaıǵasqan Oraldyq aqyn Talǵat Myqı men Qyzylordalyq aqyn Bekjan Əmirov 750 myń teńgege ıe boldy.
Aıtystyń qorytyndysy boıynsha, bas bəıgeni Atyraýlyq aqyn Aızada Daýlekenova men Qaraǵandylyq aqyn Tilegen Ədilov ıe bolyp, 3 mıllıon teńgeni teńdeı bólip aldy.
«Bul aıtysqa men barymdy salyp daıyndalǵan bolatynmyn. Osyndaı Respýblıkalyq aqyndar aıtysy óńirimizde bolyp jatqany bizder úshin úlken mərtebe dep esepteımin. Əlide talaı shyńdardy baǵyndyramyn», - deıdi Aızada Daýlekenova.
