Atyraýdaǵy Prezıdent shyrshasyna 850 bala qatysty
ATYRAÝ. QazAqparat - Atyraýdaǵy Prezıdent shyrshasyna 850 bala qatysty. «Asqaq orda - Astana» uranymen ótken meıramǵa ata-ana qamqorlyǵynan aıyrylǵan balalar, az qamtylǵan jáne kóp perzentti otbasylardyń balalary, oqýda, sportta, shyǵarmashylyqta jáne qoǵamdyq ómirde jetistikterge jetken daryndy balalar shaqyryldy, dep habarlaıdy «QazAqparaatyt» HAA tilshisi.
Merekede búldirshinder Qazaqstan Respýblıkasy Prezıdentiniń jańajyldyq vıdeoquttyqtaýyn tamashalady. Kishkentaı qonaqtardy Jańa 2018 jylmen oblys ákimi Nurlan Noǵaev quttyqtap, tabystar tiledi.
«Qymbatty balalar, biz Senderdi maqtan etemiz. Bizdiń bolashaǵymyz - Sender! Búgingi tańda óńirimizde 116 myń oqýshy oqıdy. Memleket basshysynyń tapsyrmasymen Sender jaqsy oqýlaryń úshin barsha mektepter men balabaqshalarda zamanaýı tehnologııalar qoldanylady. Senderdiń mindetteriń - áke-sheshe, ata-áje senimin aqtaý úshin qolda bar múmkindikterdiń bárin tıimdi paıdalaný. Sender 2017 jyly jaqsy oqydyńdar. Jańa jyldy odan da bıik jetistiktermen qarsy alýǵa tilektespin!» - dedi N. Noǵaev. 
Balalarǵa ertegi keıipkerleriniń qyzyqty merekelik kórinisteri tartý etildi. «Maǵan qatty unady. Munda balalar óte kóp, bizdi Aıaz ata men Aqshaqar quttyqtady. Búgingi shyrsha merekesi júregimde saqtalyp qalady», - deıdi Erkinqala orta mektebiniń oqýshysy Perızat Bazylhan.
Balalardyń barlyǵyna Prezıdenttiń jańajyldyq syılyǵy: jyly kıimder, sport kıimderi, oqý quraldary jáne táttiler tapsyryldy.
