Atyraýdaǵy perınataldyq ortalyqtyń 31 qyzmetkeri jumystan ketip jatyr

ATYRAÝ. QazAqparat – Atyraýdaǵy perınataldyq ortalyqta jumys isteıtin 31 medıtsına qyzmetkeri ketkeli jatyr, dep habarlaıdy QazAqparat tilshisi.

«Qazirgi tańda oblystyq perınataldyq ortalyqtyń 31 qyzmetkeri jumystan ketý týraly ótinish jazǵan. Olarmen densaýlyq saqtaý basqarmasy, mınıstrlik jáne kásipodaq uıymdarynyń ókilderi jumys júrgizip jatyr. Qyzmetkerler óz ornynda jumysyn jalǵastyrýda. Biz dárigerlermen dıalog ornatý úshin qoldan kelgenniń bárin jasap jatyrmyz. Olardyń árqaısysy – kún saıyn adam ómiri úshin kúresip júrgen bilikti qyzmetkerler», - dep málim etti Atyraý oblysy ákiminiń baspasóz hatshysy Serikjan Ermentaev.

Eske sala keteıik, ótken aptada Sybaılas jemqorlyqqa qarsy qyzmet jańa týǵan sábıdiń ólimine, sondaı-aq, jemqorlyq qylmystar boıynsha kúdikti Atyraý oblystyq perzenthanasynyń bas dárigerine qatysty istiń mán-jaıyn baıandady.

Senbi kúni Atyraý oblysyna QR Densaýlyq saqtaý vıtse-mınıstri bastaǵan respýblıkalyq densaýlyq saqtaý uıymdarynyń mamandary keldi. Olar oblystyq perınataldyq ortalyqtyń dárigerlerine kómek kórsetedi.

Avtor: A. Sokolov