Atyraýdaǵy perınataldyq ortalyqta jyl basynan beri 133 sábı shetinedi
ATYRAÝ. QazAqparat – Atyraýdaǵy perınataldyq ortalyqta jyl basynan beri 133 sábı shetinegen, dep habarlaıdy QazAqparat tilshisi.
«Prokýratýra oblystyq perınataldyq ortalyqtyń qyzmetine tekseris júrgizdi. Tekseris kezinde jyl basynan beri 133 náreste shetinegeni anyqtaldy. Osyǵan qatysty 5 qylmystyq is qozǵaldy. Sonyń ekeýi boıynsha tergeý amaldary júrip jatyr. Perınataldyq ortalyqqa oblys turǵyndarynyń aryz-shaǵymdaryna arnalǵan jáshikter ornatylyp, senim telefondary kórsetildi», - dep málimdedi Atyraý oblysy prokýratýrasynyń baspasóz qyzmeti.
Oblystyq densaýlyq saqtaý basqarmasynyń málimdeýinshe, shetineý jaǵdaılary eń aldymen salmaqtyń azdyǵymen baılanysty. Keı balalar tipti 500-800 gramm bolyp týǵan.
Avtor: A. Sokolov
