Atyraýdaǵy ózin órtep jibergen er azamattyń jaı-kúıi qalaı
ATYRAÝ. QazAqparat - Atyraýda dárigerler ákesimen bolǵan janjaldan soń ózin órtep jibergen er azamattyń jaǵdaı týraly aıtyp berdi, dep habarlaıdy QazAqparat.
«32 jastaǵy er azamat oblystyq aýrýhananyń jansaqtaý bólimine 20 qańtar kúni tústi. Onyń denesiniń 65 paıyzyn kúıik shalǵan. Onyń basy, qulaqtary, beti men eki qoly jáne denesi eki jaǵynan kúıgen. Qazirgi tańda ol esin jıyp, oǵan barlyq qajetti kómekter kórsetilýde. Alaıda onyń jaǵdaıy áli de bolsa aýyr»,-dedi Atyraý oblystyq aýrýhanasynyń bas dárigeri Saın Shomırov.
Aıta keteıik, oqıǵa qala mańyndaǵy Geolog aýylynda boldy. Er azamat úılený toıynan soń úıine kelip, ákesimen janjaldasyp qalǵan. Ákesi janjal ýshyǵa túsken soń polıtsııaǵa habar beretinen aıtqan. Osy kezde uly aýlaǵa shyǵyp, ózine benzın quıyp, órtep jibergen.
