Atyraýdaǵy órtten zardap shekkenderdiń aty-jónderi jarııa etildi
ATYRAÝ. QazAqparat - Atyraý oblystyq TJD Qarabatandaǵy jataqhana órtengende qaza tapqandar men zardap shekkenderdiń aty-jónderin jarııa etti, dep habarlaıdy QazAqparat.
«Zardap shekkender oblystyq aýrýhanaǵa jetkizildi. Olardyń qatarynda besinshi sanatty elektrmen dánekerleýshi Ulan Amangeldiuly Baıshyǵyrov, elektr gazben dánekerleýshi Nurjan Erqalıuly Qalmurzıev, elektrmen dánekerleýshi Rınat Shaımerdenuly Aıymbetov, dánekerleýshi Qanat Tıyshtyqbekuly Jarkynbekov bar.
Qaza tapqandar: úshinshi sanatty slesar-montajdaýshy Samat Baqytbekuly Jumabekov, tórtinshi sanatty slesar-montajdaýshy Erlan Áýezhanuly Jurymbaev, tórtinshi sanatty slesar-montajdaýshy Ergen Qalqululy Demeýov, tórtinshi sanatty slesar-montajdaýshy Maqsat Asqambekuly Shyńǵysbaev, tórtinshi sanatty slesar-montajdaýshy Samat Asqaruly Kenjebaev, besinshi sanatty elektr gazben dánekerleýshi Eraly Nuráliuly Moldabekov. Qaza tapqandar men zardap shekkenderdiń barlyǵy Ońtústik Qazaqstan oblysynda tirkeýde turǵan», - dep habarlaıdy óńirdiń Tótenshe jaǵdaılar departamenti.
Buǵan deıin habarlaǵanymyzdaı, Atyraý qalasynan shamamen 40 shaqyrym jerdegi Qyzylqoǵa aýdanynda salynyp jatqan Qarabatan «Gaztýrbınalyq elektr stansysynyń» qurylys aýmaǵynda ornalasqan jataqhana órtendi. 6 adam qaza bolyp, 4-eýi zardap shekti.
Aldyn ala boljam boıynsha, órt elektr symdarynyń qysqa tuıyqtalýynan shyqqan.
Atyraý oblysy ákiminiń birinshi orynbasary Saǵyndyq Luqpanovtyń basshylyǵymen jergilikti atqarýshy organdar tarapynan jedel shtab quryldy.
Jataqhanadaǵy órtten qaza tapqandardyń otbasyna materıaldyq kómek kórsetiledi. Bul týraly «PSI Story industriya» AF JShS merdigerlik uıymynyń jobalyq menedjeri Erjan Sadyrbalın habarlady.
Kompanııa basshylyǵy qaza bolǵandardyń otbasyna materıaldyq ótemaqy tólep, sondaı aq zardap shekkenderdiń emdelýin óz moınyna alady.
Qazirgi ýaqytta órt bolǵan jerde shuǵyl tergeý toby jumys isteýde.
Avtor - A.Sokolov
