Atyraýdaǵy ortalyq alańda 60 jastaǵy jumysshy kóz jumdy
Oqıǵa búgin, 4 maýsymda jergilikti ýaqytpen saǵat 11:38 shamasynda Atyraý qalasynda bolǵan. WhatsApp messendjeri men áleýmettik jelide taraǵan aqparatty oblystyq polıtsııa departamentiniń baspasóz qyzmeti rastady.
«Búgin Atyraý qalasynyń ortalyǵynda 1963 jylǵy er adam qaıtys bolǵan. Oqıǵa ornyna jedel tergeý toby baryp, tekserý júrgizdi. Marqumnyń denesinde jaraqat joq. Aldyn ala boljamǵa sáıkes, er adam densaýlyǵyna baılanysty qaza tapqan. Marqum sol mańǵa jaqyn ornalasqan qurylys alańynda jumys istegeni anyqtaldy», -dep habarlady departamenttiń baspasóz qyzmeti.
Eske sala ketelik, budan buryn Atyraýda KamAZ kóligi qaqqan 6 jasar bala mert bolǵanyn habarlaǵan edik.
Jol-kólik oqıǵasy Atyraý qalasynyń Juldyz-2 shaǵynaýdanynda tirkelgen. KamAZ júk kóligi velosıpedpen kele jatqan 6 jasar balany qaǵyp ketken. Kólik qaqqan bala oqıǵa ornynda mert boldy.
Sondaı-aq, Atyraýda jantúrshigerlik jol apatynan keıin rýldegi jasóspirim aýrýhanaǵa tústi.
Atyraý qalalyq polıtsııa basqarmasy patrýldik polıtsııa batalony komandıriniń orynbasary Ersin Qojahmetovtiń aıtýynsha, munaıly shahardan Damby baǵytyna qatynaıtyn joldyń Qyzylbalyq eldi mekeni tusynda eki kólik soqtyǵysqan.
Oblystyq densaýlyq saqtaý basqarmasy baspasóz qyzmetiniń málimetinshe, oqıǵa ornynda bir eresek adam men bir jasóspirimge alǵashqy medıtsınalyq kómek kórsetildi.
«Jol-kólik oqıǵasynan eki adam zardap shekti. Zardap shekken eki adam ártúrli dene jaraqatymen oblystyq aýrýhana men oblystyq balalar aýrýhanasyna jetkizildi», -dep habarlady basqarmanyń baspasóz qyzmeti.
