Atyraýdaǵy órt: Qyzyl jalyn qonaqúıdiń birinshi qabatyn sharpydy
ATYRAÝ. QazAqparat - Atyraýda eki saǵattaı buryn 9 qabatty «Aq Jaıyq» qonaqúıiniń birinshi qabatynda ornalasqan túngi klýbtan shyqqan órt órship barady, dep habarlaıdy QazAqparat.
Órt sóndirýshilerdiń tilsiz jaýdy aýyzdyqtamaq bolǵan áreketteri ázirshe nátıje berer emes. Órt órship barady, tipti qonaqúıdiń birinshi qabatyn sharpyp úlgergen. Oqıǵa ornyna órt sóndirý tehnıkalary men jedel járdem kólikteri ústi-ústine kelýde.
Ázirge oqıǵadan japa shekkender jáne órt shyqqan ǵımarattyń ishinde adamdardyń bar-joǵy týraly aqparat túspedi.
