Atyraýdaǵy orkestrler sherýi kezinde 21 oqýshyǵa kún ótken
ATYRAÝ. QazAqparat - Atyraýda ótken orkestrler sherýinde 21 oqýshynyń basynan kún ótip ketken, dep habarlaıdy «QazAqparat» HAA tilshisi.
«Ystyq ótken 21 oqýshynyń barlyǵyna medıtsınalyq kómek kórsetildi. Olardyń basy aınalyp, ishte aýyrsyný paıda boldy. Birnesheýiniń tanaýlarynan aqqan qandy toqtatýǵa týra keldi. Ol jerde bes jedel járdem brıgadasy jumys istep turǵan, keıinnen altynshysy qosyldy. Barlyq balalarǵa sol jerde medıtsınalyq kómek kórsetildi, aýrýhanaǵa jetkizý qajettiligi bolǵan joq», - dedi Atyraý oblystyq «jedel járdem» stansasynyń dırektory Erlan Súıeýǵalıev.
Senbi kúni Atyraý oblysynda aýa temperatýrasy +38 gradýsqa deıin kóterildi. Bul jaıly TJ departamenti aldyn-ala eskertken bolatyn. Oral qalasynda aýa raıynyń ystyq bolýyna baılanysty balalardyń qatysýymen ótetin merekelik sharalar keıinge qaldyrylyp nemese saıabaqtarda ótkizilgen.
Aıta keteıik, balalar men jastar orkestriniń mýzykalyq sherýine 7 myńǵa jýyq mektep oqýshysy men kolledj stýdenti qatysty. Sherýler Halyqaralyq balalardy qorǵaý kúnine arnaldy.
