Atyraýdaǵy oqýshylar men jastar saraıyna Abaı esimi beriledi

ATYRAÝ. QazAqparat –Qazaqtyń uly aqyny Abaıdyń esimi Atyraýda boı kótergen oqýshylar men jastar saraıyna beriledi, dep habarlaıdy QazAqparat.

Oblys ákiminiń orynbasary Baqytgúl Hamenovanyń aıtýynsha, buǵan deıin dana Abaıdyń esimi 5 mektep pen 28 kóshege berilgen.

«Endi bıylǵy 175 jyldyq mereıtoıy aıasynda aqyn esimin oqýshylar men jastar saraıyna berý usynylyp otyr. Atalǵan saraıdyń aldyna dara oıshyldyń eskertkishin ornatý josparda bar» -dedi oblystyq máslıhattyń sessııasynda oblys ákiminiń orynbasary Baqytgúl Hamenova.

Eske sala ketelik, buǵan deıin Atyraýda dúnıege kelgen sábıge Abaı esimi berilgen edi.