Atyraýdaǵy oqıǵa: aýrýhanada jatqan ekinshi elektrmontajdaýshynyń jaǵdaıy aýyr
ATYRAÝ. QazAqparat – Atyraýda aýrýhanada jatqan ekinshi elektrmontajdaýshynyń jaǵdaıy aýyr. Oǵan ota jasalady, dep habarlaıdy QazAqparat.
Oblystyq densaýlyq saqtaý basqarmasynyń baspasóz qyzmetinen málim etkendeı, «Atyraý Jaryq» AQ-nyń ekinshi elektrmontajdaýshy oblystyq aýrýhananyń neırohırýrgııa bóliminde aýyr halde jatyr.
«Dárigerler naýqasta birneshe qabyrǵanyń zaqymdanýy, sol jaq ıyqtyń synýy, sol jaq ıyq moıynynyń jyljýy, tórt qabyrǵanyń, jambas súıektiń jabyq kúıde synǵanyn anyqtady. Naýqasqa ota jasaý úshin daıyndyq júrip jatyr. Qazir naýqasqa áıeli qoldaý kórsetip otyr», - dep habarlady basqarmanyń baspasóz qyzmeti.
Eske sala ketelik, budan buryn Atyraýda bıikten qulaǵan eki elektrmontajdaýshynyń
biri qaıtys bolǵanyn jazǵan edik.
