Atyraýdaǵy Nazarbaev mektebi halyqaralyq akkredıtatsııadan ótti
ATYRAÝ. QazAqparat - Atyraýdaǵy Nazarbaev zııatkerlik mektebi CIS halyqaralyq akkredıtatsııadan ótti, dep habarlaıdy «QazAqparat» HAA tilshisi.
«Atyraý qalasyndaǵy hımııa-bıologııa baǵytyndaǵy Nazarbaev zııatkerlik mektebi Nıderlandydaǵy CIS Halyqaralyq mektepter keńesiniń resmı akkredıtatsııasynan sátti ótkendigi jóninde resmı málimdeme aldy. Bedeldi halyqaralyq uıymnyń akkredıtatsııasynan ótý - uzaq ári kúrdeli protsess. Halyqaralyq sarapshylar bizdiń bilim ordamyzǵa bıyl 16-22 qyrkúıek aralyǵynda kelgen bolatyn. CIS komandasy oqý orynnyń menedjmentin, muǵalimderdiń kásibı damýyn, oqý-tárbıe jumysynyń uıymdastyrylýymen mekteptiń jalpy qyzmetin jan-jaqty saraptady», - dep málimdedi Atyraý qalasy Nazarbaev zııatkerlik mektebiniń dırektory Aıdarbek Aıtpókeshev.
Aıtpókeshevtiń aıtýynsha, «Nazarbaev zııatkerlik mektebi» AQQ damý strategııasynda NZM bilim berý qyzmetiniń joǵary sapasyn rastaý úshin halyqaralyq uıymdarda akkredıtteýden ótý qarastyrylǵan. Sondyqtanǵ bul úderisten ótý - mektep úshin mańyzdy bolǵan.
«Akkredıttelgen mektep bolý úshin biz mektep ómirin jáne oqý úderisin uıymdastyrýdyń halyqaralyq standarttarǵa sáıkestigin rastadyq. CIS qaýymdastyǵyna ený mektepti damytý jáne úzdiksiz jetildirý úshin keń perspektıvalar ashady», - dep atap ótti Aıtpókeshev.
