Atyraýdaǵy naýbaıhanada qujatsyz jumys istegen sheteldikter anyqtaldy
ATYRAÝ. QazAqparat –Atyraýda karantındik shekteý kezinde naýbaıhanada qujatsyz jumys istep júrgen sheteldikter anyqtaldy, dep habarlaıdy QazAqparat.
«Ýchaskelik polıtsııa ınspektorlarynyń kezekti reıdi kezinde «Atyraý» yqshamaýdanyndaǵy naýbaıhanada jumysshylardyń betperde taǵý rejımin buzyp, qolǵap kımeı, jumys istegeni áshkere boldy. Buǵan qosa naýbaıhanada Ózbekstan Respýblıkasynyń eki azamatynyń tólqujatsyz jumys istep kelgeni anyqtaldy. Qazir sheteldikter jeke basy anyqtalǵanǵa deıin Atyraý qalalyq polıtsııa basqarmasynyń qabyldaý-taratý ortalyǵyna ornalastyryldy» -dep habarlady oblystyq polıtsııa departamentiniń baspasóz qyzmeti.
Karantındik shekteý rejımin buzǵan naýbaıhana ıesine qatysty jınaqtalǵan hattamalar Atyraý qalalyq taýarlar men kórsetiletin qyzmetterdiń sapasy men qaýipsizdigin baqylaý basqarmasyna joldandy.
Eske sala ketelik, buǵan deıin Atyraýda karantın kezinde túngi klýbtyń jumys istegeni anyqtalǵan edi.
https://kaz.inform.kz/news/atyrauda-karantin-kezinde-tungi-klub-zhumys-istegen_a3704096
