Atyraýdaǵy marafonǵa úsh myń adam qatysady
ATYRAÝ. QazAqparat - «Atyrau Marathon - 2019»dástúrli halyqaralyq baıqaýǵa búginge deıin myń jarym qatysýshy júgirýge tirkeldi, dep habarlaıdy QazAqparat.
Bıyl úshinshi ret ótkeli otyrǵan dástúrli marafon keń kólemde bolady jáne úsh myńǵa jýyq qatysýshy baq synaıdy dep kútilýde. Búginge deıin Qazaqstannyń iri qalalary - Nur-Sultan, Almaty, Óskemen, Oral, Aqtóbe, Kókshetaýdan sportshylar marafonǵa qatysýǵa ótinim berdi. Úshinshi qaıyrymdylyq júgirý sharasyndaǵy bes qashyqtyqtyń birine qatysýǵa shetel azamattary-munaı kompanııalarynyń mamandary da nıet bildirgen.
«Qatysýshylardyń tańdaýyna bes qashyqtyq 42 km, 21 km, 10 km, 3 km, 1, 2 km (balalarǵa arnalǵan) usynylady. Jeńimpazdar jastaryna qaraı 76 sanat boıynsha marapattalady. Jalpy júlde qory 5 mln teńge», -deıdi «Atyrau Marathon -2019» uıymdastyrý komıtetiniń vıtse-prezıdenti ıÝrıı Ponomarev.
Uıymdastyrýshylardyń aıtýynsha, eń alys úsh qashyqtyqqa qatysý úshin aqshalaı tólem jasaý kerek, túsken barlyq qarajat qaıyrymdylyq maqsatqa - jetim jáne áleýmettik jaǵynan az qamtylǵan otbasy balalaryna jumsalady.
3 jáne 1,2 km qashyqtyqqa júgirý tegin. Marafonnyń barlyq qatysýshylaryna estelik medal beriledi, al júldegerlerdi demeýshiler daıyndaǵan arnaıy syılyqtar kútip tur.
«Atyrau Marathon - 2019» Jastar jyly aıasynda ótedi. Ár túrli qashyqtyqtaǵy júgirýge qala men oblystaǵy jastar uıysmdarynyń ókilderi qatysady.
«Jastar saıasatyn damytý - qoǵamdaǵy basty baǵyttyń biri. El bolashaǵy jastardyń qolynda. Qaı salada bolsa da joǵary nátıje kórsetip, salamatty ómir saltyn qoldap, sportpen shuǵyldaný kerek. Sondyqtan, biz óńir jastaryn marafonǵa belsendilikpen qatysýǵa shaqyramyz», - deıdi oblystyq Dene shynyqtyrý jáne sport basqarmasynyń basshysy Rınat Ibragımov.
Marafonǵa qatysý úshin atyraumarathon.kz saıtynda jáne Qurmanǵazy kóshesindegi 12 ǵımaratta ornalasqan INFINITY FITNESS klýbynda tirkelýge bolady.
Búginge deıin 1, 5 myń adam tirkelgen.
Aıta ketý kerek, marafonnyń barlyq qatysýshylary úshin apta saıyn jattyǵý ótedi. Seısenbi, beısenbi kúnderi saǵat 19.30 - da Sultan Beıbarys eskertkishi aldynda, jeksenbi 8.00 H. Dosmuhamedov atyndaǵy AMÝ stadıonynda.
«Atyrau Marathon -2019» qaıyrymdylyq marafony 14 sáýirde bolady. Máre orny - Sultan Beıbarys alańy. Buqaralyq júgirý ýaqytynda ortalyq kóshelerde qozǵalys shekteledi. 
