Atyraýdaǵy «Maqat-Dossor» joldaryn qalpyna keltirý jumystary bastaldy
ATYRAÝ. QazAqparat- Atyraý oblysyndaǵy «Maqat-Dossor» jol ýchaskesin qalpyna keltirý jumystary bastaldy. Qurylys jumystary jol tóseminiń 17 shaqyrymynda júrip jatyr, dep habarlaıdy QazAqparat tilshisi óńirlik kommýnıkatsııalar qyzmetine silteme jasap.
«Maqat-Dossor» jolyn qalpyna keltirý «Nurly jol» memlekettik baǵdarlamasy aıasynda júzege asyrylady. Tapsyrys berýshi - QR Avtokólik joldary komıteti. «Aqtóbe-Atyraý» avtokólik jolynyń 487-504 shaqyrymynda ornalasqan ýchaskedegi jóndeý jumystary Azııa Damý Banki qarjylandyrady. Jol qurylystaryna jalpy somasy 3,3 mlrd teńge bólinedi, sonyń ishinde 2018 jylǵy qalpyna keltirýge 2,5 mlrd teńge qarastyrylady.
«Qazir jumysshylar eski asfalt tósemin alyp, jańasyn salýǵa daıyndap jatyr. Ýchaskeni qalpyna keltirýge 47 adam jumyldyryldy», - deıdi «Atyraýjolzerthanasy» RMM qurylys jumystary jónindegi ınjeneri Nurlan Jantórın.
