Atyraýdaǵy kópqabatty úıler beınekamera arqyly baqylanatyn bolady
ATYRAÝ. QazAqparat - Atyraýda IP-beınekameralardy ornatý jobasy júzege asyrylýda, dep habarlaıdy QazAqparat tilshisi.
«Alǵashqy kameralar kóppáterli turǵyn úılerge ornatylyp ta úlgerdi. Atalǵan joba boıynsha barlyǵy 134 turǵyn úı qamtylyp, olarǵa 1300 beınekamera ornatylady. Jobanyń operatory qurylǵyny ornatý men onyń jumysyn qamtamasyz etýdi óziniń moınyna alyp otyr. Al, turǵyndarǵa tek abonenttik tólemderdi tóleý qajet. Budan soń olar túrli qyzmet keshenin paıdalana alatyn bolady»,-dep habarlady qalalyq prokýratýranyń baspasóz qyzmeti.
Osy óńirde páter urlyǵy kóbeıip ketkendikten joba oblystyq prokýratýranyń bastamasymen júzege asrylýda. Beınejazbalar operatordyń serverlerinde saqtalady.
