Atyraýdaǵy kópqabatty úıde bolǵan órttiń mán-jaıy anyqtaldy
ATYRAÝ. QazAqparat - Atyraýdaǵy bes qabatty úıde bolǵan órtte qutqarylǵan 10 adamnyń jeteýi - balalar, dep habarlaıdy QazAqparat tilshisi.
Qazaqstan Respýblıkasy ІІM Tótenshe jaǵdaılar komıtetiniń aqparatyna sáıkes, 20 shilde kúni saǵat 17.44-ta Atyraý qalasyndaǵy J.Moldaǵalıev kóshesinde ornalasqan 5 qabatty turǵyn úıdiń 4-qabatyndaǵy páterde, 15 sharshy metr aýmaqta órt boldy.
«Órt sóndirýshiler kórshi páterlerdiń turǵyndaryn - 10 adamdy baspaldaqtyń kómegimen qutqardy. Onyń 7-eýi - balalar. Órt saǵat 19.17-te aýyzdyqtalyp, tilsiz jaý 19.23-te tolyq sóndirildi. Páterdegi turmystyq zattardyń barlyǵy órtenip ketken», - dep habarlaıdy TJM baspasóz ortalyǵynyń baspasóz qyzmetinen.
Aıta ketý kerek, órt sóndirý jáne turǵyndardy qutqarý jumystary kezinde 11 órt sóndirýshi jáne 4 arnaıy mamandandyrylǵan órtke qarsy tehnıka jumyldyryldy.
