Atyraýdaǵy kólik kompanııasy 485 mln teńge aıyppul tóledi
Básekelestikti qorǵaý jáne damytý agenttiginiń Atyraý oblysy boıynsha departamenti men Atyraý oblystyq kólik prokýratýrasy «RTI- Atyraý munaı óńdeý zaýytyna» JShS-niń is-áreketterinen birneshe buzýshylyqty anyqtady.
«Seriktestiktiń is-áreketinde básekelestikti qorǵaý salasyndaǵy zańnamany buzý deregi tirkeldi. Atap aıtqanda, vagondardy aǵymdyq aǵytpaly jóndeý qyzmetine monopolııalyq joǵary baǵalar belgileýdi qoldaǵan. Monopolııalyq erejeni teris paıdalanyp baǵalardy ne teń mándi kelisimderge ártúrli sharttardy qoldanǵan. Mundaı buzýshylyq deregi vagondardy berý jáne jınaý, sondaı-aq aǵymdaǵy aǵytyp jóndeý boıynsha jumystardy oryndaý jónindegi sharttarǵa qatysty anyqtalyp otyr», -dep habarlady agenttiktiń óńirlik departamentinen.
Atyraý oblystyq kólik prokýratýrasynyń usynysy negizinde «RTI- Atyraý munaı óńdeý zaýytyna» JShS-ǵa qatysty ákimshilik quqyq buzýshylyq týraly is qozǵaldy.
«Ákimshilik is Atyraý qalasynyń ákimshilik quqyq buzýshylyq jónindegi mamandandyrylǵan sotynda qaraldy. Sot qaýlysymen atalǵan JShS-ǵa jalpy somasy 485 mln teńgege ákimshilik aıyppul salyndy. Ákimshilik aıyppul memleket paıdasyna tolyq kólemde tólendi», -dep málim etti óńirlik departamentten.
Eske sala ketelik, buǵan deıin Atyraý munaı óńdeý zaýytyna bir jylda 100 mln teńgeniń aıyppuly salynǵanyn habarlaǵan bolatynbyz.
Oblystyq ekologııa departamenti baspasóz qyzmetiniń málimetinshe, byltyrǵy 9 aıda Atyraý munaı óńdeý zaýytyna 4 ret jospardan tys tekserý, 1 profılaktıkalyq baqylaý júrgizilgen. Tekserý qorytyndysymen Atyraý munaı óńdeý zaýytyna ekologııalyq zańdylyqtyń talaptaryn buzǵany úshin 100 mln 672 myń teńge ákimshilik aıyppul salynǵan.
